CAGAYAN DE ORO CITY-Imbarguhon na sa National Food Authority o NFA ang 50-mil ka sinakong commercial rice gikan sa tulo ka dagkong negosyante sa Iligan City.
Kini nasuta sa pagdungog sa task force nga daghang kasupakan sa balaod ang mga negosyante nga sila si Sonia Payan,Johnny Tan ug Chinese national Yang Jiangzhu.
Gibutyag ni NFA-Lanao del Norte provincial manager Sam Dimaporo nga kasuhan nila sa administratibo sa Payan oras nga mahuman nilang haw-as angmga sinakong bugas nga gipanaguan sa ilang mga dakong bodega.
Gibutyag ni Dimaporo nga siyam ka kasong administratibo ang ipasaka batok sa negosyante.
Samtang iduso sa Task Force on Rice Hoarding ang kasong rice cartel batok sa maong mga negsoyante.
Kini human mabawi sa task force ang 50-mil ka sinakong commercial rice gikan sa mga warehouse sa maong mga negosyante.
Gibutyag ni Atty Abdul Jamal Dimaporo, NBI -Iligan District Office nga nasuta nga usa ra ang auditor, tigdawat ug bookeeper sa mga bugas nga iya sa maong mga egosyante.
Pagkapriso sa 15 ka tuig ang atubangon sa mga negosyante nga mapatud-an nga sad-an sa kasong hoarding ug rice cartel subay sa balaod.
