CAGAYAN DE ORO CITY-Laraw sa Philippine Judges Association o PJA nga pa-imbestigahan kon walay inside job sa pag-ambush patay kang RTC Branch 15 Presiding Judge Edmundo Pintac sa Ozamiz City.
Matud ni RTC Branch 23 Judge Arthur Abudiente, PJA deputy vice president for legal affairs nga nakadawat siya’g report nga adunay escort si Judge Pintac apan nag-leave kini sa panahon nga gipatay.
Nahibulong ang huwes kon nganong na-timing ang pag-ambush kang Pintac nga wala ang iyang escort.
Una nang ipalugwa sa PJA ang manifesto aron ikondinar ang pag-ambush patay kang Pintac.
