CAGAYAN DE ORO CITY-Patay ang Grade 7 student human mapusilan sa iyang ig-agaw nga nagdula’g armas sa Zone 5 Brgy Gumaod, Claveria, Misamis Oriental.
Giila ang biktima nga si Silmark Reyes, 12-anyos ug residente sa Barangay Plaridel, Claveria Misamis Oriental.
Matud ni Plaridel Brgy Kap Rene Ongon nga gidulaan sa suspek nga si Dee John Dangan, 12-anyos ang improvised shotgun nga gipanag-iyahan sa iyang uyoan.
Walay kasayuran ang suspek nga adunay bala ang armas hinungdan nga sa dihang miboto kini direktang miigo sa ulo sa biktima.
Gibutyag sa igsoon sa namatay nga si Virley Reyes nga gibadlong niya ang iyang manghod nga dili mokuyog sa suspek.
Sumala ni Reyes nga nag-absent sa klase ang iyang igsoon ug wala masayod ang ilang ginikanan.
Gidid-an niya nga maglaag iyang manghod nga si Silmark apan wala kini magpatoo ug mikuyog gyud sa suspek.
