CAGAYAN DE ORO CITY-Gihangyo karon ni City administrator Teddy Sabugaa ang mga motorela driver nga dili una ihinayak ang pagkolekta’g otso pesos nga pletehan sa ilang mga pasahero ning syudad.
Kini samtang gihulat ni Sabugaa ang opisyal nga report sa City Price Monitoring Council sa kasamtangang presyo sa produktong petrolyo sa gasoline stations sa dakbayan.
Gihimo ni Sabugaa ang apelar nunot sa pagsaka na sa 55 pesos pataas ang presyo sa petrolyo diin gitugtan sa ordinansa ang otomatikong otso gikan siyete nga koleksyon sa pletehan.
Una niini,ubay-ubay’ng mga pasahero ang nagpaabot sa ilang kalibog sa Bombo Radyo gumikan sa dili pareha nga singil sa pletehan sa mga motorela sugod miaging semana.
