CAGAYAN DE ORO CITY-Wala matay-og si City Vice Mayor Rainer Kikang Uy sa pagpadagan balik ni kanhi City Mayor Vicente Emano aron siya atbangan sa 2019 midterm elections sa syudad.
Miingon si Uy nga ang iyang agi sa konseho ang usa sa mga magpakita kon nganong angay pa kini saligan sa katawhan.
Dugang ni Uy nga unta angay na mo-distansiya si Emano sa politika tungod sa taas nga pangidaron niini.
Si Emano ang makausa nga nahimong bise-mayor sa syudad apan makaduha lamang kini nakap-preside sa sessions sa konseho.
Samtang daw gipakuratan ni Emano Dongkoy Emano ang iyang mga kaatbang mga kaatbang sa pulitika sa syudad.
Kini human midagan pagka-bise mayor si Emano aron atbangan si Uy nga ubos sa PDP-Laban.
Gi- angkon ni Emano nga napugos siya sa pagdagan kay maglisod ang iyang anak nga si Kag Nadya Emano Elipe kay milansad usab pagka-bise gobernador si board member President Elipe sa lalawigan.
Namugos si Emano nga lig-on pa ang iyang panglawas sukwahi sa gipakatag sa ilang mga kaatbang nga di na
kini makalakaw.
