CAGAYAN DE ORO CITY-Tutukan ni Cagayan de Oro 1st District Rep Rolando Klarex Uy ang dugang imprastraktura alang sa kabarangayan ubos sa distrito uno sa syudad.
Kini bisan nga giatbangan si Uy ni kanhi City Vice Mayor Ian Acenas ug Atty Gil Banaag sa nagkaduol nga midterm elections.
Miingon si Klarex nga daghan pa kini’g tiwason nga mga proyekto ilabina sa bukirang kabarangayan ilabina ang kadalanan ug mga tunghaan alang sa katawhan.
Si Uy ang mopapili sa ikatulong termino pagka-kongresista ubos sa PDP-Laban ning syudad.
Samtang giangkon ni kanhi City Vice Mayor Acenas nga lisod pildihon pagka-kongresista si Cong Uy.
Kini human gituboy si Acenas sa partido Padayon Pilipino pagka-kongresista aron atbangan si Uy sa 2019 midterm elections.
Apan miingon si Acenas nga bisan sa kakulang sa ilang makinarya, doblehon nila ang paningkamot aron makuha ang dakong pagsalig sa katawhan sa unang distrito sa syudad.
