CAGAYAN DE ORO CITY-Hayan mohimo’g tigil-pasada ang mga hugpong sa transportasyon kon dili umentuhan ang pletehan sa mga sumasakay nga pasahero dinhi sa syudad.
Kini human mibati’g kadismaya ang transport sector sa 2 pesos nga increase nga gi-aprobahan sa LTFRB-Central Office sa kauluhan kagahapong adlawa.
Miingon si Joel Gabatan,regional coordinator sa National Confederation of Transport Union o NCTU-Northern Mindanao nga hulaton nila ang aksyon sa LTFRB-Manila sa ilang un-peso ug 50 sentabos nga gipangayong usbaw ayha sila mohimo’g mga lakang kabahin niini.
Una nang naduso ang ilang petisyon sa kauluhan ni LTFRB regional director Allan Guro sa miagi pang tuig 2017.
