CAGAYAN DE ORO CITY-Magbaton na sa umento sa suhulan ang mga mamumuo sa pribadong sektor dinhi sa rehiyon epektibo sa Nobyembre 1 ning tuiga.
Kini human uyuni sa National Wages and Productivity Commission ang dugang 27 pesos nga usbaw sa suhulan sa mga pribadong trabahante gikan sa category 1 ngadto 4 sa rehiyon.
Miingon si ALU-TUCP regional director for operations Nicanor Borja nga kabahin sa dunay umento sa mga suhulan ang Cagayan de Oro, Iligan ingon man kalungsuran sa Tagoloan, Villanueva ug Jasaan nga duna na’y dawaton nga P365.
Modawat usab sa P358 minimum salary ang mga lugar nga sakop sa Malaybalay, Valencia, Gingoog, El Salvador ug Ozamiz.
Samtang ang mga syudad sa Oroquieta,Tangub ug Laguindingan ingon man sa Mambajao ang dunay dawaton na nga P350 kada-adlaw.
