CAGAYAN DE ORO CITY-Patay ang motorista samtang samaran ang kapikas niini sa nahitabong vehicular accident sa Poblacion, Tagoloan Misamis Oriental.
Giila ang namatay nga si Jimboy Pansoy, 26-anyos samtang ang samaron mao si Josie Pansoy nga pulos residente sa Dayawan sa maong lungsod.
Matud ni P02 Louie Miñano, imbestigador sa Tagoloan Police Station nga mi-overtake ang biktima sa trailer trak nga gimaneho ni Alvin Salada ug mibangga kini sa laing trak nga gimaneho ni Leo Ngoho.
Nakaangkon sa dakong samad sa ulo ang biktima nga maoy hinungdan sa iyang kamatayon.
