CAGAYAN DE ORO CITY-Pasakaan na sa kasong reckless imprudence resulting to homicide ogmang adlawa ang driver kinsa nakaligis patay sa usa ka singko-anyos nga bata sa Velez-Yacapin street ning syudad.
Kini human nadakpan pinaagi sa warrant of arrest ang suspek nga si Jhonel Jaudian, 22-anyos, minyo ug residente sa Opol, Misamis Oriental kinsa nakaligis-patay sa singko-anyos nga biktima.
Una niini, naligsan sa suspek ang singko-anyos nga bata dihang kalit nga nitabok sa dalan.
Gidala pa sa balay-tambalanan ang biktima apan wala na matabang sa mga doktor ang iyang kinabuhi.
