CAGAYAN DE ORO CITY-Dili kumbinsido si Regional Peace and Order Council chairman City Mayor Oscar Moreno nga dunay natigayon nga extra judicial killings o summary killings batok sa suspected drug sellers sa Northern Mindanao.
Kini bisan nga anaa na sa gatos ka tawo ang namatay gumikan sa anti-illegal drug operation sa PNP rehiyon.
Partikular nga gihataga’g pagtagad ni Moreno ang siyam ka suspected pushers nga napatay sa PNP operations sa magkalahing lugar ning syudad sugod Agosto hangtod Oktubre ning tuiga.
Miingon si Moreno kon kinsa man ang dunay kasayuran nga nag-abusar ug tinuyo ang pagpatay sa suspected pushers sa rehiyon,modangop lamang kaniya aron imbestigaran ang nalambigit nga sakop sa kapolisan.
