CAGAYAN DE ORO CITY-Away sa pamilya ang gitoohan nga hinungdan kon nganong nangulata sa taxi drivers ang upat ka ahente sa PDEA sa Brgy Pagatpat ning syudad.
Sumala sa witness nga si alyas Taboloy nga nasuko ang PDEA agent nga si Ramil Salido sa dihang misakay sa taxi ang nakaaway niyang asawa.
Gikasab-an ni Salido ang taxi driver ug kalit nga mi-responde ang tulo ka kauban niini nga si Jeffrey Tagungan; Marvin Banate ug Randy Dollente kinsa kalit lamang nga nangulata sa taxi drivers ug nagpaboto sa ilang mga armas.
Andam si alyas Taboloy nga magsilbing witness sa gihimong pagpangulata batok sa upat ka PDEA members sa taxi drivers.
Si alyas Taboloy miingon nga nasaksihan niya ang gihimong pagbinastos sa PDEA agents ngadto na sa taxi drivers dungan sa pag-akusar nga sila anaa sa drug watchlist.
Dugang ni Taboloy nga tungod sa gihimo sa mga PDEA agents, mibati’g kalisang ang mga drayber ingon man ang mga residente sa maong lugar.
