CAGAYAN DE ORO CITY-Gi-depensa sa Cagayan de Oro City Police Office o COCPO ang pagkapatay sa laing suspected pusher diha sa Brgy Carmen ning syudad.
Kini human giingong misukol ang suspek nga si Mark Anthony Boqueron,32 anyos nga taga-Opol ning lalawigan dihang gipaubos sa buy bust operation sa maong lugar.
Miingon si COCPO spokesperson Supt Mardi Hortillosa nga dili ordinaryo nga drug pusher suspect si Boqueron apan no.1 target listed personality kini sa maong lungsod.
Namugos si Hortillosa nga peligro nga klase sa tawo ang suspek hinungdan nga wala nila kumpiyansa-e dihang gipaubos sa buy bust operation sa maong lugar sa miaging semana.
Narekober gikan sa suspek ang lima ka pakete sa shabu nga dili pa matino ang street value, ang gidawat nga P500 marked money ug 38 calibre nga armas.
Si Boqueron ang ika-11 nga suspected pusher nga napatay sa PNP gikan Agosto hangtod Oktubre ning tuiga.
