CAGAYAN DE ORO CITY-I-aktibo ni City Mayor Oscar Moreno ang Incident Management Team o IMT alayon sa pag-obserbar sa adlaw sa mga sa santos ug kalag sa Nobyembe 1 ngadto 2 ning tuiga sa syudad.
Kini sa tuyo nga mahimong hapsay ang pagdumala sa seguridad nga ipatuman sa pampubliko ug pribadong mga menteryo sa maong kasaulugan sa syudad ning semanaha.
Miingon si CDRRMD head Allan Porcadilla nga andam na sila sa paghatag seguridad ilabina sa libuang katawhan nga modagsa sa nagkadaiyang menteryo sa dakbayan.
Dugang ni Porcadilla nga magsugod ang pagtaas alerto sa IMT sa petsa petsa 31 sa Oktubre hangtod Nobyembre 3 ning tuiga.
Samtang isaka ni Gov Bambi Emano ang blue alert status sa tibuok seguridad sa lalawigan sa Oktubre 31 ning tuiga.
Kini isip kabahin sa ihatag nga seguridad sa PNP ug AFP sa mga tawo nga mohimo’g pagduaw sa mga lubong sa minahal nila sa kinabuhi sa adlaw sa mga santos ug kalag ning semanaha.
Miingon si PDRRMO head Fernando Dy Jr nga naghulat na lamang ang puwersa sa mismong adlaw sa katumanan aron ipatuman ang nakaandam nga seguridad sa lalawigan.
Nasayran nga gipatawag sa Office of the Civil Defense ang tanang ahensiya aron masuta kon unsa ang kaandam ang seguridad nga ipatuman sa kalihukan ning semanaha.
