CAGAYAN DE ORO CITY-Sugdan na sa mga personahe sa City Disaster Risk Reduction and Management Dept o CDRRMD ang paglibot sa tanang mga menteryo nga nakabase ning syudad.
Miingon si CDRRMD head Allan Porcadilla nga tuyo niini nga masuta na sa syudad kon unsaon ang paghatag seguridad sa katawhan nga modagsa sa adlaw sa mga santos ug kalag ning semanaha.
Dugang ni Porcadilla nga angayang dili usab magpasagad ang katawhan samtang i-obserbar ang all saints ug souls day aron kalikayan ang hitabo sama sa sunog ug kaso sa mga pangawat sa ilang mga pinuy-anan.
Samtang naka-alerto usab ang ginsakpan sa Provincial Disaster Risk Reduction and Management Office o PDRRMO sa obserbasyon sa All Saints ug Souls Day sa Nobyembre 1 ug 2 ning tuiga.
Miingon si PDRRMO head Fernando Dy Jr nga i-isa na usab nila sa blue alert status ang lalawigan sa adlaw’ng Miyerkules aron makaandam na ang tanang puwersa nga mohatag seguridad sa katawhan.
Gipasalig usab ni Dy nga anaa ang hugot nga pagbantay sa PNP kauban ang militar alayon sa maong kalihukan ning semanaha.
