CAGAYAN DE ORO CITY-Ngilngig ang gidangatang kamatayon sa inahan kuyog ang iyang upat ka anak sa Brgy Maria Cristina,Iligan City.
Kini human nakit-ang wala na’y kinabuhi si Gng Elizabeth Baricuatro ingon man ang upat ka gagmay’ng anak sulod sa banyo dihang nasunog ang ilang pinuy-anan kaganihang kadlawon.
Subay sa report,tulog na ang mga biktima dihang miulbo ang kalayo hinungdan naglisod sila’g gawas ug nakapaingon na
lamang sa comfort room aron unta maluwas.
Gawas niini,samaron usab ang laing tulo ka residente gumikan sa hitabo.
Apektado ang 50 ka tawo o 17 ka pamilya tungod sa maong sunog.
Gisuta pa sa mga bombero ang hinungdan sa sunog diin may inisyal 250-mil pesos nga structural damage.
