CAGAYAN DE ORO CITY-Gi-awhag ni City Mayor Oscar Moreno ang publiko nga tabangan ang kapolisan sa pagbantay batok sa mga dautang elemento ning panahon sa Adlaw sa mga Santos ug Kalag.
Si Moreno miingon nga kinahanglang magbinantayon ug mag-maigmat ang katawhan sa syudad sa pagbantay sa palibot.
Nanghinaut ang alkalde nga magmalinawon ang kasaulugan sa adlaw sa mga Santos ug Kalag sa syudad.
Samtang giisa na sa Provincial Disaster Risk and Reduction Management Council sa blue alert status ang pagpangandam sa panahon sa adlaw sa mga Santos ug Kalag.
Kini ang gihimong kompirmasyon ni Gov Bambi Emano ilabina nga nag-deploy na usab sa dugang pulis ang Misamis Oriental Provincial Office.
Gibutyag ni Emano nga bantayan sa mga otoridad ang mga pantalan,tugpahanan ingon man mga terminal sa tibook rehiyon alang sa kaluwasan sa mga katawhan.
