CAGAYAN DE ORO CITY-Gipanguluhan ni PNP regional director C/Supt Timoteo Pacleb ang pagsusi sa nagkadaiyang menteryo sa syudad.
Miingon si Cagayan de Oro City Police Office spokesperson Supt Mardi Hortillosa nga tuyo niini nga masuta ni Pacleb ang kaandam sa PNP kuyog ang ubang friendly forces nga mohatag seguridad sa katawhan nga midagsa na’g sugod sa mga menteryo sa dakbayan.
Gibutyag ni Hortillosa nga bisan walay nadawat nga bahad sa terror attack ang PNP ug AFP apan wala sila’y kumpiyansa sa seguridad sa tibuok rehiyon.
Una niini,gibutyag ni PNP regional spokesperson Supt Surki Serenias nga gilusad ni Pacleb ang ‘Bike Ride for Safe Kalagkalag 2018’ nga nanukad sa Camp Alagar padulong sa mga menteryo sa dakbayan sugod kaganihang salas singko sa kadlawon.
