CAGAYAN DE ORO CITY-Gikasuhan sa pipila ka ihap sa kurapsyon ang mga kanhi opisyal sa Cagayan de Oro Water District o COWD ning dakbayan didto sa Sandiganbayan.
Kini human akusahi ang maong mga opisyal nga mihimo’g kuwestiyonable nga mga transaction sa water projects sa miaging katuigan.
Kabahin sa gikasuhan sa graft and corruption si Palawan Gov Jose Alvarez kinsa tag-iya sa Rio Verde Water Consortium nga gika-kontrata sa COWD.
Gikasuhan usab sila si kanhi COWD chairman of the Board Francisco Mendez;treasurer Sarah Borja;secretary Raymundo Java;asst secretary Sandy Bass Sr ingon man si general manager Gaspar Gonzales Jr.
Gilakip usab sa pagkaso sa Sandiganbayan sila si Bibiana Sarmiento,Joel Baldelovar ug ang kontrator nga si Edward Chona gumikan sa mga transaksyon nga gisudlan sa COWD ug Rio Verde.
Natigayon ang mga transaction nga gisudlan sa maong mga sinumbong sugod tuig 2004 hangtod 2006 diin pending sa nagkadaiyang division sa Sandigabayan.
