CAGAYAN DE ORO CITY-Generally peaceful ang pag-obserbar sa adlaw sa mga santos ug kalag sa rehiyon.Gibutyag ni PNP regional spokesperson Supt Surki Serenias nga pabiling ikatag pa gihapon nila ang kapolisan alayon sa Oplan Kaluluwa 2018 ning adlawa.
Partikular nga tutukan pa gihapon sa kapolisan ang pantalan,tugpahanan ug bus terminals sa rehiyon.
Anaa sa 5-mil ka pulis ang gikatag sa lima ka probinsya diin wala pa’y labot usab niini ang mga sundalo gikan sa 4th ID,Philippine Army.
Samtang gi-sustiner sa liderato sa 4th ID,Philippine Army ang paghatag nila’g security support sa mga personahe sa PNP-10 makab-ot lamang ang hapsay nga pag-obserbar sa adlaw sa mga santos ug kalag sa rehiyon.
Gibutyag ni 4th ID spokesperson 1Lt Tere Ingente nga bisan sa ila usab nga hanay,wala sila’y nasugatan nga suliran ilabina kon hisgutan ang pagpanghasi sa rebeldeng New People’s Army o NPA sa
kabukiran.
Nasayran nga pipila ka bag-ong army batallion ang gikatag ubos sa mga lugar sa 4th ID aron batukan ang insurhensiya nga dala sa CPP-NPA-NDF.
