CAGAYAN DE ORO CITY -Gipangita karon sa mga operatiba sa duha ka police stations ang duha ka suspek nga responsable pagtulis sa branch sa LBC diha sa Velez Street,Divisoria ning syudad.
Kini human tulisan ang maong balay patigayon sa duha ka suspek nga armado sa kalibre 45 nga armas hinungdan nadala ang wala matino nga kantidad sa salapi.
Gibutyag ni Divisoria Police Station commander C/Insp Julius Clark Macariola nga nakuhaa’g CCTV ang mga suspek.
Kini ang hinungdan nga gikoordinar kini nila kang Carmen Police Station commander C/Insp Demver Vergara kay susamang mga description ang mitulis usab sa LBC-Carmen sa miaging bulan.
Nasayran nga ang pipila ka branch sa LBC sa syudad,ang daghan nang higayon nga natulis gumikan sa pagdumili pagbaton sa kauugalingong mga sekyu.
