CAGAYAN DE ORO CITY-Gitahod sa PNP-10 ang desisyon sa mga pamilya sa namatayan nga mudool sa Bombo Radyo imbis sa mga police station human sa gitoohang salvaging sa Brgy Sta Ines,Malitbog Bukidnon.
Gibutyag ni PNP-10 spokesperson Supt Surkie Serenias nga nasayod sila sa pagduda sa mga ginikanan nila Clifford Abales, 21-anyos, residente sa Tagoloan; Vicente Viemen, 24-anyos ug Don Greymar Andales, 23-anyos nga pulos taga Villanueva, Misamis Oriental nga sila gipatay sa giingong mga pulis.
Apan subli mihangyo si Serenias nga mudool sa kapolisan aron dali matabangan ilabina nga namugos ang mga namatyan nga duna silay lig-ong ebidensya batok sa hitabo.
Dugang pa ni Serenias nagpalugwa na sa direktiba si Police Regional Director Timoteo Pacleb aron ilusad ang masusing imbestigasyon.
Una niini, andam motuke ang task force sa PNP aron tabangan ang mga pamilya sa tulo ka biktima.
Apan namugos si Serenias nga wala sila’y ebidensya nga mapresentar sa korte kay nagdumili makighinabi kanila ang mga namatyan.
