CAGAYAN DE ORO CITY-Nagtoo si Tagoloan Police commander C/Insp Allan Oniana nga gi-unay ug patay sa ilang ka grupo sila Clifford Abales, Vicente Viemen, Don Greymar Andales sa Sta Ines,Malitbog, Bukidnon.
Miangkon si Oniana sa Bombo Radyo nga napatawag nila sa ilang istasyon ang tulo ka suspek sa snatching diin ang usa sa suspek nga nailang si Obet ang napriso human gitudlo sa biktima nga mi-isnatch sa iyang kabtangan.
Una niini, gidepensa ni Oniana ang pagtudlo kanila nga mipatay sa tulo ka biktima.
Namugos si Oniana nga posibleng may grupo sa mga gika-intapang snatcher ug tulisan ang mga biktima.
Gitinguha ni Oniana nga matabangan ang pamilya sa mga biktima aron mahatagan sa hustisya ang pagkamatay sa ilang mga anak.
Dugtong niini, desidido ang mga pamilya sa biktima nga kasuhan ang grupo ni Oniana gumikan sa hitabo.
Namugos ang wala nagpailang kabanay sa biktima nga gilisud-lisod nila’g ayo ang ilang mga kabanay taliwala nga wala kini sala.
