DUGONG BOMBO UPDATE:
CAGAYAN DE ORO CITY-Nagpahimsog na sa lawas ang naglangkob sa Balingasag Municipal Disaster Risk Reduction and Management Office aron pangandaman ang pagsalmot sa lapad nga bloodletting project sa Bombo Radyo sunod semana.
Miingon si Ding Sabugaa, head sa MDRRMO Balingasag Misamis Oriental nga gi-tap nila ang ilang Barangay Disaster Risk Reduction and Management Officers aron daghan sila nga makahatag sa dugo sa nagkaduol nga Dugong Bombo sa Atrium, Limketkai Mall sa Nobyembre 17 ning tuiga.
Usa sa ilang gihimo aron malampusong makadonar ang pag enerhisyo matag adlaw.
Alang sa dugang grupo nga gustong mosalmot sa Dugong Bombo mahimong magpa rehistro sa sibyahan sa Bombo Radyo sugod alas 8 sa buntag hangtud alas 5 sa hapon.
