CAGAYAN DE ORO CITY-Gi-depensa sa laing higayon sa kapolisan ang kamatayon sa kanhi binilanggo nga nalambigit sa gidiling droga sa Sitio Balacanas, Brgy Consolacion ning syudad.
Kini human unang namusil ang suspek nga si Jeremy Paderan, 24 anyos sa mga pulis nga naggukod kaniya dihang nabulabog ang illegal drug transaction.
Miingon si Supt Mardi Hortillosa, tigpamaba sa Cagayan de Oro City Police Office o COCPO nga daan na sila nagpasidaan sa publiko nga likayan ang pagsulod sa pagbaligya’g ilegal nga droga aron kalikayan nga mapatay kon mosukol sa police operation.
Naigo sa tulo ka pinusilan sa 9mm pistol ang lawas si Paderan hinungdan nga dead on arrival nga nadala sa sa Northern Mindanao Medical Center.
