CAGAYAN DE ORO CITY-Ipaubos sa preventive suspension sa kadagkuan sa Land Transportation Office o LTO-10 ang ilang opisyal nga nasikop sa pagbaligya’g gidiling droga diha sa Brgy Bulua sa syudad.
Kini human dugay nang gi-monitor sa PDEA-10 si LTO officer 2 Michael Laureta gumikan sa paggamit ug pagbaliyag gidiling droga.
Gibutyag ni LTO-10 regional director Rogelio Poliquit nga gihatagan na nila’g higayon si Laureta nga magbag-o apan pabiling wala kini mosanong sa ilang kamanduan.
Si Laureta ang kanhi usab nag-atubang sa kasong administratibo samtang opisyal pa kini sa LTO-Valencia hinungdan nga nabutang sa floating status sa iyang trabaho kaniadto.
