CAGAYAN DE ORO CITY-Gikasuhan ni kanhi police director ug karon Iligan City Mayor Celso Regencia si PNP regional director C/Supt Timoteo ‘Tim’ Pacleb sa Office of the Ombudsman.
Kini human unang mibati’g pagka-insulto si R egencia sa kalit paglangkat sa puwesto ni City Police Director Sr Supt Manuel Sukarno Alvarez ug gihulipan ni Sr Supt Rey Solidario aron mangulo sa Iligan City Police Office.
Miingon si Iligan City information officer Joe Pantoja nga kasupakan sa section 51 (b) sa Republic Act 6975 o Department of the Interior and Local Government of 1990 ang gihimo ni Pacleb hinungdan nga gikasuhan ni Regencia sa Ombudsman.
Una niini,nakurat si Regencia nga dili si Alvarez ang gitudlo ni Pacleb bisan nga kini ang iyang gipili gikan sa lima ka police officials nga gipapilian apan si Solidario ang gitudlo nga officer-in-charge sa Iligan City PNP.
Samtang gibarugan sa liderato sa PNP-10 nga nasubay sa proseso ang paghulip sa puwesto isip police director ni Alvarez sa Iligan City Police Office o ICPO.
Kini human unang gimando ni Pacleb nga lingkuran una ni Sr/Supt Rey Solidario ang Iligan City Police Office samtang mangita pa’g permanent police director sa maong dakbayan.
Gibutyag ni PNP regional spokesperson Supt Surki Serenias nga gibase ni Pacleb ang pag-relib kang Alvarez sa mando ni Chief Dir Gen Oscar Albayalde.
Wala usab malisang ang PNP-10 sa mga kaso nga gipasaka ni Regencia batok Pacleb sa Ombudsman.
