CAGAYAN DE ORO CITY-Naghikog-patay ang usa ka lalaki kay nagmahay sa inahan nga nagtrabaho sa gawas sa Zone 2, Sitio Manticao, Brgy Canitoan ning syudad.
Giila ang biktima nga si Matt Raven Gulven, 21 anyos, may kaipon ug nagpuyo sa maong lugar.
Miingon ang kapikas ni Matt nga si alyas Maria nga maoy gigamit paghikot sa li-og niini ang pisi sulod sa kuwarto sa ilang amahan sa maong lugar.
Gitumbok nga kanunay lamang daw balibaran sa inahan nga OFW ang hangyo sa biktima kon mangayo’g salapi hinungdan sa pagmahay niini.
Gidala pa sa ospital ang biktima apan pakyas nang maluwas sa mga miatiman nga mga doktor.
