CAGAYAN DE ORO CITY-Andam nga motambong ang PNP-10 kon uganing ipatawag sila sa Misamis Oriental provincial board alang sa ipahigayon nga imbestigasyon sa kamatayon sa tulo ka Misamisnon.
Gibutyag ni PNP-10 spokesperson Surkie Sereñas nga dili sila modupa kon uganing adunay mapakitang ebidensya nga motodlo sa miembro sa kapulisan nga maoy responsable sa giingong pag salvage kang Clifford Abales, Vincent Viemen, Don Remar Andares.
Una nang gibutyag ni board member President Elipe nga magpahigayon silag imbestigasyon aron masuta kung unsa gayuy tinood nga nahitabo sa pagkamatay sa tulo ka lalaki sa Bukidnon.
Una ninii,giangkon ni Misamis Oriental provincial board member President Elipe nga naalarma siya sa nahitabong salvaging sa Bukidon nga gikalambigitan sa tulo ka Misamismon.
Kini ang rason kung nganong iyang pa-imbestigaran ang brutal nga kamatayon sa mga biktima kinsa pulos nakabaton sa samad-pinusilan sa ulo.
Una nang gibutyag ni Elipe nga iduso niya sa legislative board inquiry aron masuta kon matood ba nga mga pulis sa Tagoloan Police Station ang mipatay sa gidudahang mga snatcher.
