CAGAYAN DE ORO CITY-Gibutyag ni Gov Bambi Emano nga isalig na lamang niya kang Misamis Oriental Provincial Director Sr/Supt Rolando Destura ang pag-imbestigar sa kamatayon sa tulo ka batan-on nga giingong gi-salvage diha sa Bukidnon.
Sumala ni Emano nga dili na siya manginlabot sa imbestigasyon ug iya nang gitahasan si Destura nga imbestigaran ang kaso ilabina nga ang mga pulis sa Tagoloan maoy gitudlo nga suspek sa krimen.
Unang mi-apelar sa Bombo Radyo ang ginikanan nila Clifford Abales, Vincent Viemen, Don Greymar Andares nga sila tabangan nga makab-ot ang hustisya.
Nasayra nga unang gidala sa Tagoloan Police Station ang mga biktima aron imbestigaran sa kasong pagpangawat sa celphone apan gibuhian ra gihapon kay walay ensaktong ebedensiya.
