CAGAYAN DE ORO CITY-Gikasuhan sa pagbaligyag gidiling droga ang duha ka magsoong babaye nga nasikop sa buy bust operation sa Purok sa 3,Brgy Malaubang,Ozamiz City.
Giila ni Ozamiz City Police Office commander Sr/Insp Allan Payla ang mga dinakpan nga sila si Maria Delia Macaraya,46 anyos ug Josephine Besas,52 anyos nga pulos nagpuyo sa Brgy Lawis sa maong lugar.
Nabawi gikan sa mga suspetsado ang bana-bana nga 30 gramos sa gitoohang shabu.
Giangkon sa mga suspek nga nalambigit sila sa pagbaligyag ilegal nga droga ug misibat padulong sa Sugbo tungod sa kusog nga kampanya kaniadto ni kanhi Ozamiz City Police Office commander Supt Jovie Espenido.
