CAGAYAN DE ORO CITY-Gisikop sa Criminal Investigation and Detection Group o CIDG-10 inabagan sa militar ang kanhi brgy kapitan ug sibilyan sa Aplaya, Jasaan, Misamis Oriental.
Nakuha sa posisyon nila ni kanhi Brgy Kap Rizaldy Maghanoy ug Rolly Cahayag ang kalibre 45; tulo ka kalibre 22; mga granada ug ubang kontrabando.
Gibutyag ni CIDG-Misamis Oriental head C/Insp Brian Panganiban nga gi-ronda nila ang mga pinuy-anan sa mga suspek subay sa mando ni RTC Branch 25 Judge Arthur Abudiente.
Nasayran nga unang gi-post sa mga suspek sa facebook ang mga armas hinungdan nga gihimua’g imbestigasyon sa kapolisan.
