CAGAYAN DE ORO CITY-Mi-awhag si Misamis Oriental Provincial Police Office (MOPPO) director, Police Senior Superintendent Rolando Destura sa media nga ubanan sila sa tanan ipahigayon nga drug buy bust operation.
Nunot kini sa pag-imbestigar sa NAPOLCOM-10 pinaagi sa PNP-10-IAS sa pagkamatay sa 21 ka mga drug suspek nga misukol sa test buy operation sa nagkadaiyang lugar sa lalawigan.
Gitin-aw ni Destura nga mas daghang buybust operation ang mga taga MOPPO nga wala misukol ang mga target ug malampuson kining napaslak sa prisohan.
Sa pagkakaron, gihulatan pa ni Destura ang katumanan sa saad ni Mis Or Gov Bambi Emano nga hatagan sila sa Body Camera.
