CAGAYAN DE ORO CITY-Napatay sa operatiba sa Carmen Police Station ang iladong tigpayuhot sa shabu sa Brgy. Kauswagan ning syudad, karong buntag.
Giila ang suspek nga si Jimboy Aldea alyas “Black Jack” nagpuyo sa Brgy Lapasan.
Segun ni Dr. Christian Caballes, SOCO-10 medico legal officer nga narekober nila sa crime scene ang 38 revolver, tolo ka empty shells, usa ka sachet sa shabu ug 500 pesos nga marked money.
Tolo ka igo pinusilan ang naangkon sa suspek sa dughan.
Gidali pa ug dala sa JR Borja General Hospital ang suspek apan gi-deklarar kining dead on arrival.
Si Aldea ang ika 13 nga suspek nga napatay human misukol sa mga otoridad sa drug buybust sa syudad.
Samtang gipamugos ni Pol Chief Ins Tawide Galeon nga nakobkob nila ang hideout ni Black Jack kung asa sila mipahigayon sa pot session.
Self-defense ang gihimo sa kapulisan sa Carmen Police Station sa nahitabong pagkamatay drug suspek nga misukol sa drug buybust operation.
Miingon si COCPO spokesperson Pol Supt Mardy Hortillosa nga nag-unang mando sa ilang Cheif PNP Oscar Albayalde nga depesahan ang kaugalingon batok sa mga musukol nga suspek.
Namugos si Hortillosa ang disgrasya ang nahitabo tungod kay dili man tumong sa mga pulis ang mupatay oras nga mulusad sa drug buybust ang mga kapulisan sa syudad.
