CAGAYAN DE ORO CITY-Gipanganti ni PNP regional director C/Supt Timoteo Pacleb nga kinahanglang mo-agi sa pagdonar sa dugo atol sa Dugong Bombo ang mga bag-ong police recruits isip”individual and collective responsibility”.
Si City Police Office deputy director for operations Supt Isaias Bacurnay Jr miingon nga magpadayon usab ang ilang panawagan sa tanang kapulisan nga dili undangon ang ilang tinuig nga adbokasiya sa pagdonar sa dugo tungod kay taas ang panginahanglan niini ug aron usab makatabang sa isigkatawo.
Samtang gikompirmar ni Police Officer 3 Cris Dumaog sa Initao Police Station nga gimando kanila ni Pacleb sa tibook rehiyon nga tag-lima ka police officers ang modonar sa ilang dugo matag municipal police station atol sa Dugong Bombo.
Gani, ika- 15 na kahigayon ni Dumaog nga siya nag-donar sa dugo.Gipasigarbo usab niini nga mas himsog ang iyang pamati kon makahatag sa dugo.
