CAGAYAN DE ORO CITY-Bisan ang pipila ka sakop sa media ang wala usab nagpaulahi sa Dugong Bombo project nga tinuig nga gihimo sa Bombo Radyo Philippines.
Kini human milampos sila si Stephanie Berganio; Nef Luczon nga pulos sakop sa Sunstar Cagayan de Oro;Richard de la Cruz sa Eagle News TV ug Nicole Managbanag nga kanhi reporter sa Gold Star Daily News nga konektado na sa information office sa Misamis Oriental govt.
Gibutyag ni Berganio nga dugay niya gipangandaman ang Dugong Bombo pinaagi sa pag- exercise aron makuhaan ning tuiga.
Samtang gibutyag usab ni De la Cruz nga nakita niya ang kanindot sa katuyuan sa Dugong Bombo,busa kini misuporta sa pagpakuha’g dugo.
