CAGAYAN DE ORO CITY-Gipamugos sa kapolisan nga ilado nga tigbaligya’g gidiling droga ang laing suspected shabu pusher nga napatay sa joint operation sa Brgy Katipunan, Villanueva, Misamis Oriental kagabii.
Kini human nagpakita sa pagsukol ang suspek nga si Francis Maagad,hingkod ang panuigon nga taga-Tagoloan ning lalawigan dihang gipaubos sa buy bust operation sa kapolisan kagabii.
Gibutyag ni PO1 Mary Encabo nga migamit sa 38 kalibre nga pistola ang suspek ug namusil sa mga operatiba. Narekober sa posisyon sa suspek ang napalit nga shabu, marked money ug iyang armas.
Midugang si Maagad sa gatusang ihap sa mga drug suspek nga napatay human misukol sa mga operatiba sa Philippine Drug Enfrocement Unit ug Villanueva Police Station.
