CAGAYAN DE ORO CITY-Giaktibo ni City Mayor Oscar Moreno ang incident management team o IMT aron mahiusa ang mga lakang himoon sa gobierno tungod sa bahad sa bagyong Samuel nga anaa sa bisinidad sa Surigao City.
Miingon si CDRRMD consultant retired army Col Vernil Monsanto nga hinoon,walay angay ikabalaka sa posibleng pagbaha sa suba epekto sa pagbundak sa ulan apan anaa sa ka alerto ang tanang puwersa kabahin niini.
Giklaro usab ni Monsanto nga desisyon sa school principals kon ipadayon o ikanselar ang mga klase sa pre-schools subay sa executive order no.66 nga gimando sa Malakanyang ngadto sa Dept of Education.
Samtang deklarado nang walay klase sa tanang levels sa Jasaan,Claveria,Binuangan ug syudad sa Gingoog,Misamis Oriental ning adlawa.
Gawas niini,pipila ka level usab sa lungsod sa Tagoloan ug Balingasag ang walay klase gumikan sa dautan nga panahon.
Kini human giisa na ang blue alert status sa lalawigan dihang gipaubos sa signal number 1 sa Pag-asa ang Cagayan de Oro ug Misamis Oriental.
Sumala ni Provincial Disaster Risk and Reduction Management Office head Fernando “Sotsot” Dy Jr nga sukad nagpaggawas sa memorandum si Misamis Oriental Gov Bambi Emano sa pagkanselar sa klase sa pre-school level sa pribado ug pampublikong tunghaan, nahukman usab sa duha ka lungsod ug syudad i-oktaba ang mga klase sa maong tunghaan.
