CAGAYAN DE ORO CITY-Nakompiskar sa joint operation sa PDEA-10 ug PNP Regional Intelligence Unit ang package nga gipadala pinaagi sa LBC-Manila padulong dinhi sa dakbayan.
Kini human unang nakadawat sa impormasyon ang PNP-RIU kabahin sa shipment hinungdan dali nakig-koordinar sa PDEA aron mahimo ang operasyon.
Gibutyag ni PDEA agent Ben Calibre nga maoy nagsilbing sender sa 10 ngadto 20 gramos nga shabu ang usa ka Amy Marcos nga dunay gidala nga address nga Phase 5,Bagong Silang,Caloocan City.
Dugang ni Calibre nga mao unta’y modawat sa package ang usa ka Saynuding Palaw nga nagpuyo sa Malaybalay City,Bukidnon.
Nasuta usab nga si Palaw ang kanhi dinakpan tungod sa pagpayuhot sa gidiling droga apan nakagawas tungod sa ‘plea bargaining agreement’ sa korte.
Nasayran nga anaa sa 160-mil ang bana-banang balor sa shabu nga dawaton unta ni Saynuding kinsa napatay usab sa PNP operations sa Malaybalay City kagahapong adlawa.
