CAGAYAN DE ORO CITY-Mipalag ang 4th ID Philippine Army sa akusasyon ni Starex Piston Sec Gen Ringo Lago.
Miingon si army spokesperson 1Lt. Tere Inghente nga peke ang alegasyon ni Lago.
Gusto sab ni Inghente nga mupagawas sa ebidensya si Lago batok sa usa ka Intel Officer sa 4ID nga nanuhol sa tag 3mil pesos matag bulan sa kanhi sakop sa AnakBayan aron mag-ispiya kaniya.
Una niini, gipadayag ni Lago ang iyang ka-alarma human niya makuha ang impormasyon nga siya gilaraw nga ipa-ubos sa surveillance, gamit ang pipila ka sakop sa progresibong pundok.
Maoy gika-alarma ni Lago ang pagpakatag sa iyang mga nawong.
