CAGAYAN DE ORO CITY-Nagpadayon ang manhunt operation sa kapolisan sa suspect kinsa mipusil-patay sa 42-anyos nga lalake sa Sitio Tapurok ,Brgy Malanang,Opol Misamis Oriental kagabii.
Giila sa Opol PNP ang biktima nga si Ronnei Mag-away,42 anyos,minyo ug nagpuyo sa maong lungsod.
Natumbok usab ang suspek nga si Julius Maglangit kinsa dali nga misibat paghuman sa kremin.
Sa inisyal nga imbestigasyon,gibutyag nga pagdumot ang motibo sa pagpusil sa suspek ngadto sa biktima diin nakaangkon sa igo iyang likod nga mi-resulta sa iyang kamatayon.
Sa pagkakaron nagpadayon pa ang gihimo nga dugang imbestigasyon sa kapulisan sa nahitabong pagpamusil sa maong lungsod kagabii.
