CAGAYAN DE ORO CITY-Gikapoy na’g tago sa bukid hinungdan nga mitahan ang lima ka mga miyembro sa rebeldeng New Peoples Army diha Barangay Poblacion,Impasug-ong sa Bukidnon.
Giila ni 403rd IB,Philippine Army civil military officer Captain Marcelito Quijano ang surrenderees nga sila si alyas Lucas, 49-anyos, residente sa Agusan del Sur; alyas Jejem, 20-anyos; alyas Pigong, 18-anyos; alyas Boy, 25-anyos ug alyas Cobra,25-anyos.
Dala sa mga mitahan ang ilang mga armas nga caliber 30-M1 garand rifle, caliber .22 rifle ug 9mm machine gun.
Sa miaging semana,laing mga NPA member ang mitahan gihapon sa mga sundalo tungod sa kapit-os sa kabukiran.
