MisOr board member Gerardo Sabal III & Verde Soko President Neil Alburo
CAGAYAN DE ORO CITY-Gihagit ni Committee on Environment chairman sa Sangguniang Panlalawigan Board Member Oliver Actub Jr ang opisyales sa PHIVIDEC Industrial Estate sa Tagoloan, Misamis Oriental nga mo-resign sa ilang mga puwesto.
Kini tungod kay naghatag dakong kaulawon sa tibook kalibutan ang ahensiya sa Misamis Oriental.
Matud ni Actub nga inotil ang ahensiya kong nganong wala sila’y nahimo aron pugngan ang pagsulod sa 6-mil 500 toneladanga waste recycled materials nga iya sa Verde Soko Philippines Industrial Corporation gikan South Korea ug China diha sa Mindanao International Container Terminal.
Samtang gihagit usab Phivedic administrator Atty Franklin Quijano ang Sangguniang Panlalawigan nga angay mobasi sa lig-ong ebedensiya
kon kinsa ang dunay kapalpakan sa pagsulod sa 6-mil 500 ka tonelada nga basura sa Tagoloan,Misamis Oriental.
Kini maoy tubag ni Quijano sa hagit sa Sangguniang Panlalawigan kabahin nga angay sila manghawa sa katungdanan tungod sa dakong
kaulawon sa probinsya gumikan sa presensiya sa basura nga dala sa Verde Soko Philippines Industrial Corporation.
Miingon si Quijano nga wala kanila ang pagpugong sa mga kargamento apan anaa kini nakatahas sa Bureau of Customs ug ubang ahensiya sa
gobierno.
Una niini,gibasol usab ni Quijano ang Customs intelligence officer kay giingong migamit sa peke nga mga hulagway sa mga basura sukwahi sa aktuwal nga sitwasyon sa planta sa Verde Soko sa lungsod sa Tagoloan.
