CAGAYAN DE ORO CITY-Nakagawas na sa Intensive Care Unit o ICU sa Northern Mindanao Medical Center si Supt Michael John Deloso human gi-ambush sa Capitol-Luna street ning syudad.
Kini ang gikompirmar ni Special Insvestigation Task Group o SITG-Deloso spokesperson Supt Madi Hortillosa subay sa command conference kagahapong adlawa.
Gibutyag ni Hortillosa nga bisan nakagawas na sa ICU si Deloso apan dili pa gihapon nila kini mahinabi.
Miingon si Hortillosa nga naghatag na sa kamanduan si CdeO Police Director Sr/Supt Nelson Aganon nga mapadali ang pagsulbad sa kaso aron masayran kon kinsa ang responsable sa maong kremin.
Gitutukan pa gihapon sa SITG ang kalabutan sa trabaho kon ngano gilaraw patyon si Deloso sa duha ka suspek sa miaging semana.
