CAGAYAN DE ORO CITY-Daw nagkagot ang ngipon ni Pres Rodrigo Duterte sa kasuko dihang nakadawat sa impormasyon nga mihimo’g pagbahad ang grupo sa Parojinog Drug Syndicate Group sa katawhan sa Ozamiz City.
Kini human unang gi-relib si Ozamiz City Police Office commander Supt Jovie Espenido hinungdan mibati’g kaluya ang katawhan sa maong dakbayan.
Miingon si Duterte nga hutdon niya ang mga galamay sa mga Parojinog hinungdan gimanduan niini si Espenido pagbalik sa Ozamiz City.
Si Espenido ang nakabungkag sa pundok ni Ozamiz City Mayor Reynaldo ‘Aldong’ Parojinog Sr dihang gipaubos sa police operation niadtong Hulyo 30,2017.
