CAGAYAN DE ORO CITY-Gitakdang i-presentar sa korte ang sakop sa Nova Princess Parojinog Drug Trafficking syndicate ug Parojinog Robbery Group nga unang nasikop base sa warrant of arrest didto sa Barrio Luz, Cebu City.
Giila ni Misamis Occidental PNP deputy director for operation Supt Allan Ruba ang dinakpan nga si Raul Pueblas Cortez, 48 anyos, minyo ug nagpuyo sa San Roque, Ozamiz City.
Gipasikop sa korte si Cortez tungod sa kasong robbery with homicide nga natigayon didto sa kauluhan.
Gitumbok usab si Cortez nga kabahin sa mga suspek sa pakyas pagtulis sa Alabang Town Center diin may duha ka sekyu ang napatay sa tuig 2012.
Nasayran nga nagtagu-tago si Cortez sa Cebu City human napatay sa PNP si Ozamiz City Mayor Reynaldo ‘Aldong’ Parojinog Sr ug pagkasikop ni Nova Parojinog niadtong Hulyo 30, 2017.
