CAGAYAN DE ORO CITY – Dili kumbinsido ang pamilyang Rotoras nga kabahin sa mga suspek ang usa ka wanted person nga mipusil kang late USTP Pres Ricardo Rotoras sa tugkaran sa ilang balay sa Golden Glow Village,Brgy Carmen sa syudad.
Kini human gipamugos sa mga otoridad nga kabahin si Johnriel Gamanay nga taga-Zamboanga del Sur sa duha ka suspek nga mipusil kang Rotoras ensakto nag-usa ka tuig ning adlawa.
Miingon si Eldie Rotoras,igsoon sa USTP president nga wala sila’y nakita kang Gamanay nga mo-konek sa maong kremin.
Kini ang hinungdan nga gihagit ni Rotoras ang mga otoridad nga paspasan ang pagsulbad sa kaso aron mapadali ang paghupot sa ebedensiya.
Samtang gidepensa ug gibarugan sa Special Investigation Task Group o SITG-Rotoras nga dili lamang pinunit sa daplin ang gihuptan nila nga suspek sa kamatayon ni Rotoras ning syudad.
Miingon si SITG-Rotoras spokesperson Supt Mardi Hortillosa nga mismo ang hawid nila nga testigo ang makatudlo nga tinud-anay nga suspek si Gamanay sa kamatayon ni Rotoras.
Nasayran gikasuhan na usab sa murder si Gamanay sa hitabo kang Rotoras samtang detinado kini sa mini-cell sa Ozamiz City.
