CAGAYAN DE ORO CITY-Sikop ang duha ka drivers human mihatag suburno sa mga sakop sa PNP Highway Patrol Group o HPG-10 dihang gidakop ang ilang gimanihong sakyanan ning syudad.
Gibutyag ni SP01 Serge Macerin sa PNP-HPG 10 nga mipahigayon sila sa anti carnaping operation sa Upper Carmen ning syudad dihang ilang na hold ang Toyota Vios color itom nga gimaniho ni Garry Sabrido Ranalan.
Mibayad si Ranalan sa kantidad nga 4-mil pesos ngadto sa ginsakpan sa HPG hinungdan nasikop.
Samtang arestado usab si Franklin John Ramos dihang nakuhaan sa camera ang pagtunol niini sa usa ka libo nga bribe money ngadto sa kapolisan human maharang ang gimaniho niining Ford Ranger sa maong lugar.
Gipang-hold ang mga sakyanan sa duruha tungod sa kawad-on sa LTO sticker 2018.
Sa pagkakaron detinado na ang duruha diin gitakdang mag atubang sa kasong Article 212 sa revised pinal code corruption of public official.
