CAGAYAN DE ORO CITY-Mi-abot pa sa unom ka bulan ang pag-antos sa usa ka 13 anyos nga magtutungha human maghikog patay sa Brgy Indahag ning syudad.
Matud sa wala magpailang inahan nga gikasubo niya ang paghikog sa iyang anak ilabina nga nasulti pa niini nga kanunay siya i-bully sa iyang mga classmates ug tawgon nga kagiron.
Gi-angkon sa ginang nga nagbaton sa talagsaong skin disease ang iyang anak subay sa paghiling sa mga doktor.
Wala damha sa ginang nga butangan sa basura, hugaw nga trapo, ug mga sagbot ang bag sa iyang anak, usa ka adlaw nga mipauli kini sa ilang balay ug naghilak.
Nahimong emosyonal ang ginang sa dihang nakit-an niining nagbitay na ang iyang anak sa ilang abuhan.
Dead on arrival ang biktima sa pagdala sa JR Borja General Hospital sa syudad.
