CAGAYAN DE ORO CITY-Pabiling blangko ang mga otoridad sa namusil sa usa ka traffic enforcer sa Brgy Del Carmen Iligan City.
Giila ang biktima nga si Ulysees Bolante, 30 anyos ug residente sa maong dapit.
Gibutyag ni Iligan City PNP spokesperson Police C/Insp Jovanie Cabusas nga riding in tandem suspects ang mipusil sa biktima diin nakaangkon sa daghang samad-pinusilan.
Sa pagkakaron, padayong gihimo ang pag-imbestigar sa maong hitabo aron masayran ang motibo sa kremin.
